مەسعود بارزانی: کاراکردنەوەی پەرلەمان لەدژی هیچ کەس و لایەنێک نییە.

‌

  • سەرۆکی پارتی دیموکراتی کوردستان بە بۆنەی کاراکردنەوەی پەرلەمانەوە پیرۆزبایی دەکات.

  • مەسعود بارزانی: کاراکردنەوەی پەرلەمان لەدژی هیچ کەس و لایەنێک نییە.

  • مەسعود بارزانی: داوا لە هەموو لایەنەکان دەکەم بەشداریی پرۆسەکە بکەن.

  • مەسعود بارزانی سەرۆکی پارتی دیموکراتی کوردستان پیرۆزبایی کارەکردنەوەی پەرلەمان دەکات و دەڵێت، کارا کردنەوەی پەرلەمان لەدژی هیچ کەس و لایەنێک نییە و بە دڵنیاییەوە لە خزمەتی بەرژەوەندییە باڵاکانی گەلی کوردستان و پڕۆسەی سیاسیدا دەبێت.

 بارزانی سەرۆکی پارتی دیموکراتی کوردستان:

  • بەبۆنەی کاراکردنەوەی پەرلەمانی هەرێمی کوردستان پیرۆزبایی لە گەلی کوردستان و دەستەی سەرۆکایەتیی پەرلەمان و هەموو لایەنە سیاسییەکان دەکەم.

  • دوای دوو ساڵ تێپەڕبوون بەسەر هەڵبژاردنی هەرێمی کوردستان خۆشبەختانە توانرا پەرلەمانی کوردستان کارا بکرێتەوە.

  • لێرەدا سوپاسی هەموو ئەو پەرلەمانتارانە دەکەم کە هەڵوێستیان هەبوو و بە ئەرکی یاسایی و نیشتیمانی خۆیان هەستان و ئەم دامەزراوە دەستوورییەی هەرێمیان کارا کردەوە.

  • کاراکردنەوەی پەرلەمان هەنگاوێکە بە ئاراستەی پاراستن و بەهێزکردنی هەرێمی کوردستان و لەدژی هیچ کەس و لایەنێک نییە و بە دڵنیاییەوە لە خزمەتی بەرژەوەندییە باڵاکانی گەلی کوردستان و پڕۆسەی سیاسیدا دەبێت.

  • ئێستا کە پەرلەمان دەستی بەکارەکانی کردووە، داوا لە هەموو ئەو لایەنە بەڕێزانە دەکەم کە بەشداری ئەو پڕۆسەیە نەبوون، ئەوانیش بەشداریی بکەن.

  • پێکەوە لەپێناو خزمەتکردنی گەلی کوردستان و هەنگاوەکانی تر هاوکار و یارمەتیدەری پڕۆسەی سیاسی بن.




ئه‌م بابه‌ته 536 جار خوێنراوه‌ته‌وه‌‌


PM:06:09:04/11/2026